លោក ស ថេត បញ្ជាឱ្យបញ្ឈប់នូវរាល់សកម្មភាពប៉ូលីសចេញចាប់ដៃយកលុយពីរថយន្តដឹកទំនិញ និងរថយន្តផ្សេងៗទៀត
លោក ស ថេត អគ្គស្នងការរង និងជាស្នងការនគរបាលរាជធានីភ្នំពេញបាន បញ្ជាឱ្យបញ្ឈប់នូវរាល់សកម្មភាពប៉ូលីសចេញចាប់ដៃយកលុយពីរថយន្តដឹកទំនិញ និងរថយន្តផ្សេងៗទៀត។ ការបញ្ជានេះធ្វើឡើងក្នុង ឱកាសដែលលោកអញ្ជើញដឹកនាំកិច្ចប្រជុំប្រចាំខែមករា និងទិសដៅបន្តប្រចាំខែកុម្ភ: របស់ផែនការងារចរាចរណ៍ នៅព្រឹកថ្ងៃទី១១ ខែកុម្ភ: ឆ្នាំ២០២២ ។
ទន្ទឹមនឹងនេះ លោកបានណែនាំឱ្យនាយរងការិយាល័យទាំងអស់ ត្រូវតែចុះត្រួតពិនិត្យកម្លាំងតាមគ្រប់គោលដៅ អនុវត្តប្រកបដោយកាយវិការ និងប្រើប្រាស់សម្តីឲ្យបានសមរម្យ ណែនាំ ឲ្យគ្រប់គោលដៅត្រួតពិនិត្យមិនឲ្យមានរ៉ឺម៉កដឹកធ្យូង ដឹកសម្លៀកបំពាក់ ចូលទីតាំង ឬផ្លូវដែលសាលារាជធានីភ្នំពេញ បានធ្វើការហាមឃាត់ ។
មួយវិញទៀតនៅពេលប្រជាពលរដ្ឋបើកបរល្មើសច្បាប់ ត្រូវណែនាំគាត់ឲ្យបានច្បាស់អំពីកំហុសរបស់គាត់ ជាមួយសម្តី និងកាយវិការសមរម្យ ជាពិសេសរាល់ការផាកពិន័យត្រូវតែចេញបណ្ណផាកពិន័យឲ្យបានត្រឹមត្រូវតាមច្បាប់ ហាមមិនឲ្យមានការឈ្លោះប្រកែកជាមួយអ្នកស្រវឹងជោគជាំ ជាមួយអ្នកបង្កការអុកឡុកនៅទីកន្លែងកើតហេតុ ដែលធ្វើឲ្យប៉ះពាល់ដល់ទិដ្ឋភាពរួមរបស់សង្គម ត្រូវនាំបុគ្គលដែលប្រព្រឹត្តខុសទាំងនោះយកមកសួរនាំនៅអង្គភាព ត្រូវអនុវត្តចំពោះរថយន្តធុនធំ ដែលចូលខុសម៉ោង មួយវិញទៀត កម្លាំងចរាចរណ៍គ្រប់គោលដៅ ត្រូវតែជួយសម្រួលចរាចរណ៍ឱ្យបានល្អ ចំពោះក្បួនរថយន្តអាទិភាព ដូចជាក្បូនថ្នាក់ដឹកនាំកំពូលៗ ក្បូនគណប្រតិភូជាតិ អន្តរជាតិ ក៏ដូចជារថយន្តពន្លត់អគ្គិភ័យ រថយន្តសង្គោះបន្ទាន់ ៕SP
អត្ថបទទាក់ទង
-
ករណីអគ្គិភ័យឆេះផ្ទះប្រជាពលរដ្ឋយ៉ាងសន្ធោសន្ធៅ នៅម្ដុំផ្សារដេប៉ូ សង្កាត់ផ្សារដេប៉ូ ខណ្ឌទួលគោក រាជធានីភ្នំពេញ។ហើយ ក្នុងទីតាំងកើតហេតុនេះ ក៏មានមនុស្សជាប់នៅក្នុងផ្ទះនោះផងដែរ