អាមេរិក ៖ យោងតាមប្រភពព័ត៌មានជាច្រើន Google បានចុះហត្ថលេខាលើកិច្ចព្រមព្រៀងសេវាកម្ម cloud រយៈពេល ៦ ឆ្នាំជាមួយ Meta Platforms ដែលមានតម្លៃជាង ១០ ពាន់លានដុល្លារ។

 កិច្ចព្រមព្រៀងនេះនឹងធ្វើឱ្យ Meta ប្រើប្រាស់ server, storage, networking និងសេវាកម្មផ្សេងទៀតរបស់ Google Cloud។

ភាពជាដៃគូនេះគឺជាកិច្ចសហប្រតិបត្តិការដ៏កម្រមួយរវាងក្រុមហ៊ុនគូប្រជែងផ្នែកផ្សាយពាណិជ្ជកម្មយូរអង្វែងទាំងពីរ ហើយផ្តោតជាចម្បងលើការធានានូវថាមពលគណនាសម្រាប់បញ្ញាសិប្បនិម្មិត (AI)។ ការផ្លាស់ប្តូរនេះគឺជាផ្នែកមួយនៃយុទ្ធសាស្ត្ររបស់ Google ក្នុងការដណ្តើមបានកិច្ចព្រមព្រៀង cloud ធំៗ និងប្រកួតប្រជែងជាមួយ Amazon Web Services និង Microsoft Azure។

កិច្ចព្រមព្រៀងនេះកើតឡើងស្របពេលដែលក្រុមហ៊ុន Meta ដែលដឹកនាំដោយនាយកប្រតិបត្តិ Mark Zuckerberg កំពុងមានគម្រោងចំណាយរាប់ពាន់លានដុល្លារលើការកសាងមជ្ឈមណ្ឌលទិន្នន័យ AI "superclusters" ហើយកំពុងស្វែងរកដៃគូខាងក្រៅដើម្បីជួយផ្តល់មូលនិធិដល់ហេដ្ឋារចនាសម្ព័ន្ធដ៏ធំដែលត្រូវការសម្រាប់គំនិតផ្តួចផ្តើម AI របស់ខ្លួន៕